Norsk

Dei norske folkeeventyra er samla inn frå bondemiljø på 1700- og 1800- tallet. Mange oppstod i mellomalderen, og nokon har opphav i fjerne land, men har blitt endra og tilpassa lokale forhold. Å undervise med utgangspunkt i eventyr bidreg til å bevare kulturarven vår. Sjangeren eventyr er ein motiverande og morosam innfallsvinkel knytt til læreplanen i norsk, der vi skal utforske og formidle tekst. Eventyr gir elevane mogelegheiter for fantasi og skaparevne, samtidig som eventyra er fulle av allmenngyldige levereglar og menneskekunnskap og kan vere grunnlag for gode samtalar.

Gjennom arbeid med faget norsk skal elevane bli trygge språkbrukarar og bevisste på sin eigen språklege og kulturelle identitet innanfor eit inkluderande fellesskap der fleirspråklegheit blir verdsett som ein ressurs. I denne serien har vi valt ut forteljingar frå forskjellige verdsdelar. Elevane får bli kjent med ulike land, språk og skriftspråk. Serien legg også opp til at de skal verdsette og framheve ulike kulturar og land klassen presenterer. Gjennom dei elevaktive stega må elevane lese teksten fleire gonger og gå i djupna av både teksten sitt innhald og system.

Serien “Utforske og formidle tekst” tar elevane med på ein morosam reise i ulike sjangrar. Serien ønsker å motivere, engasjere og gi elevane leseglede. Serien er delt i to hovuddelar: “Vår eventyrlege verd” der elevane blir kjent med sjangeren eventyr og serien “Ulike sjangrar” der dei møter ulike forteljngar, songar og faktatekstar. Hovudmålet er den andre leseopplæringa, lære å lese mellom linjene, tolke, vurdere, hente info fra tekst. Altså grunnleggande lesedugleikar for at born og unge skal få fullt utbytte av sitt liv i tekstane si verd.

Her får elevane moglegheit til å utforske skriftspråka våre, og om likskapar og forskjellar på bokmål og nynorsk. Elevane får lære om korleis dialektane oppstod og korleis talespråket heile tida er i endring.

Kjem snart!

Kjem snart!

Kjem snart!