Sal, service og reiseliv vg1
Vg1 sal, service og reiseliv handlar om drift og service i verksemder. Programfaga hjelper elevane til å forstå betydinga av service- og vertskapsrolla og gir ei innføring i administrative og økonomiske oppgåver.
Her finn du oversikt over ressursane, sortert etter fag:
Forretningsdrift
I programfaget forretningsdrift fokuserast det på drift, utvikling og lønsemd av verksemder. Faget gir elevane innsikt i relevant lovverk, korleis økonomi er viktig for drift og utvikling, og kvifor HMS er grunnleggande viktig for forretningsdrifta.Marknadsføring og innovasjon
I programfaget marknadsføring og innovasjon fokuserast det på å analysere forbrukaråtferd, og korleis ein kan bruke konkurransemidlane til målretta marknadsføring og innovasjon. Marknadsføring sjåast i samanheng med behovet for ei berekraftig utvikling.«Analysere forbrukaråtferd» fører tankane til kvalitative og kvantitative metodar for å finne eigna målgrupper som bedrifta kan selje produkt og tenester til. Kompetansemålet kan leggje opp til at elevane skal gjere meir eller mindre grundige undersøkingar baserte på demografiske og psykografiske segmenteringskriterium for deretter å definere ei målgruppe og setje eit marknadsmål. Dette vil gjere det mogleg å spisse marknadsstrategien for å oppnå marknadsmålet. MEN HUGS: Du har her å gjere med elevar på 16–17 år, så lat oss starte med å få dette ned på eit plan som elevane kjenner seg att i.
Eleven skal i denne serien lage ein enkel marknadsplan og gjere rede for val av mål og verkemiddel.
Auka digitalisering gir nye moglegheiter og krev ein heilt ny måte å tenkje marknadsføring på. Digitaliseringa har endra forbrukaråtferda vår, og dette har i sin tur endra korleis verksemder marknadsfører og selg produkta sine.
Denne serien inneheld ein faktalab (som er open) og ein sjølvstendig lab (oppstartslab) som du kan starte undervisninga med. Den sjølvstendige labben er ein kombinasjon av innhaldssteg og interaktive øvingar.
Å utvikle ein god forretningsidé er ein lang prosess som krev skriving og omskriving. I lærarrettleiinga finn du informasjon om korleis du kan nytte desse læringsressursane.
Denne serien omhandlar følgjande kompetansemål: Kjenne til og nytte gjeldande regelverk for sal og marknadsføring.
Udir har signalisert tydeleg at elevane må få prøve å selje noko i samband med arbeidet med dette kompetansemålet. Det finst her mange moglegheiter, og det er opp til deg som lærar korleis du legg til rette for at elevane skal få selje noko.
Denne serien omhandlar følgjande kompetansemål: vurdere sentrale konkurranseverkemiddel i samband med profilen og lønsemda til verksemder. Kompetansemålet opnar for å gi elevane ei brei innføring i korleis etablerte bedrifter nyttar marknadsmiksen for å skape lønsemd. Oppgåva oppmodar også til å bruke det lokale næringslivet i læringa gjennom observasjon.