Identiteete, jïjtjeguvvie jïh kultuvre (ISK) Jåas
LearnLab – identiteete, jïjtjeguvvie jïh kultuvre (LearnLab ISK) edtja baakoetjïertide identiteete, jïjtjeguvvie jïh kultuvre våajnoes darjodh. Teemesne laavenjassh jïh simuleeremh mah edtjieh viehkine årrodh learohkh maehtieh damtijidh jïh baakoetjïerti bïjre soptsestidh goh irhkeme, ruvse, seksualiteete, trïegkenasse jïh vædtsoehvoete. Lïerehtimmie viehkehte goerkesem sjugniedidh baakoetjïertide, jïh ovvaajteles heannadimmieh hööptedh.
Sisvege:
LearnLab ISK lea tseegkesovveme dej golme jarngebiehkiej bïjre identiteete, ektesne årrodh jïh kråahpe jïh seksualiteete. Dah raajrojne bïejesovveme tjïelke progresjovnine 1. klaassen raejeste dovne jåarhkeskuvle. Teorije lea jïjtjemse damtedh, jïjtjemse mubpine speejjeldidh, joekehtsvoeth våajnoes darjodh jïh dïhte oktegimse akte vieksiesvoete. Prosessi tjïrrh learohkh haastasuvvieh baakoetjïerti bïjre ussjedadtedh jïh dejtie ovmessie ektiedimmine nuhtjedh, guktie maahta vihties kriterijumi sisnjelen dåemiedidh jïh jïjtse raasth bïejedh.
Lohkehtæjjabïhkedimmie fïerhten raajrose jïh fïerhten ööhpehtimmiesoejkesjasse gååvnese.
Identiteete
Ööhpehtimmieboelhki leah jienebh ulmieh, jïjtjemse speejjeldidh aktene dåehkesne jïh vuejnedh maam ulmide dåehkie jïh ovmessie råållah identiteeteevtiedæmman utnieh. Dah persovneles jïh sosijaale identiteetem bæjjese vaeltieh stööremes fokusinie sosijaale identiteetese. Guktie dah mijjen dahkoeh defineerieh jïh gïeh mijjieh libie? Boelhkh aktem gïengelåbpoe goerkesem sjugniedieh identiteetese – mij baaja jïjtjemse baajnehtidh? Boelhki galhkuvisnie edtja ussjedadtedh guktie dah maehtieh sijjen identiteetem vaarjelidh. Soptestalleme, onterdimmie jïh ussjedadteme leah vihkele gaajhkine boelhkine identiteeten bïjre. Daesnie våajnoes dorje man vihkele lea mïsse akt jïh giesie akt ektiedimmiem utnedh, jïh vieksiesvoeten bïjre joekehts årrodh.
Ööhpehtimmieboelhkh ulmine utnieh gïengelåbpoe goerkesem identiteeten åvteste sjugniedidh. Dïejvese akten metaforen sïjse vuajnelge akten laadtegen bïjre. Daesnie almetjem laadteginie vierteste, sisnjelds substansen muhteste. Dellie akte ulmie hedtide jïh joekehtsidie vuartasjidh jïh joekehtsvoetem ååktedh. Dïejvesh akte bielie mijjen roehtsijste jïh daesnie ööhpehtimmiem boelhkine sjïehteladteme mah leah vïedteldihkie dïejvesidie jïh dej mïelese. Saemien kultuvre jïh aerpievuekie lea tjarke vïedteldihkie eatnamasse. Aktene dejstie boelhkijste learohke edtja jïjtjemse buerkiestidh eatnemen fenomeenigujmie goh våarome. Aaj jåarhkeskuvlesne soptsestalleme, onterdimmie jïh ussjedadteme joekoen vihkeles. Tjuara tjïelkelaakan joekehtsvoetem jïh ååktemem dan åvteste vuesiehtidh. Learohkh maehtieh gærjam darjodh jallh sov gærjesne tjaeledh Storylabesne. Dan nomme maahta årrodh Mov identiteete, Mov skaehtiegæstoe jallh Mov gæstoe.
Ektesne årrodh (vïenevoete, irhkeme, nedtevihte jïh vædtsoehvoete)
Teemesne «Ektesne årrodh» vïenevoete, irhkeme, nedtevihte jïh vædtsoehvoete. Learohkh haastasuvvieh jïjtsh gïeleåtnoen bïjre, jïh jïjtsh jïh mubpiej dahkoeh. Feerhmeme jïh identiteete lea vihkeles baakoetjïerth. Daejnie boelhkine soptsestalleme klaassesne vihkele. Vihkele astedh learohki vaestiedassi bïjre soptsestidh, onterdidh, ussjedadtedh jïh såemies lahtesidie guhkiebasse bigkedh.
Aamhtesisnie «Ektesne årrodh» vïenevoete, irhkeme, nedtevihte, ruvse jïh vædtsoesvoete. Learohkh haestemh åadtjoeh jïjtsh gïeleåtnoem måjhtajidh, jïh jïjtsh jïh mubpiej dahkoeh. Feerhmeme jïh identiteete leah vihkeles baakoetjïerth. Daejnie boelhkine soptsestalleme klaassesne vihkeles. Vihkeles astedh learohki vaestiedassi bïjre soptsestidh. Onterdidh, ussjedadtedh jïh såemies lahtestimmiej bïjre vielie soptsestidh. Learohkh maehtieh gærjam darjodh jallh sov gærjesne tjaeledh Storylabesne. Dan nomme maahta årrodh Mov identiteete, Mov skaehtiegæstoe jallh Mov gæstoe.
Kråahpe jïh seksualiteete
Sisvege raajrosne kråahpe jïh seksualiteete lea ruvse, seksualiteete jïh daaresjimmie. Desnie laavenjassh jïh simuleeremh man åvteste learohkh maehtieh damtijidh jïh baakoeh bïejedh baakoetjïertide goh ruvse, seksualiteete jïh daaresjimmie. Lïerehtimmie goerkesem baakoetjïerti åvteste sjugnede, jïh maahta ovvaajteles heannadimmieh hööptedh.
Jienebh dejstie soejkesjistie ussjedadtemegyhtjelassh utnieh mah maehtieh krïevije årrodh.
Daate lea ööhpehtimmieboelhke mij lea seksualiteeten, seksuelle daaresjimmiej jïh ruvsen bïjre. Seksualiteete lea aavoen, dïedten, leajhtadimmien bïjre, almetji tsiehkien bïjre gaskemsh jïh hijven tsiehkien bïjre jïjtse kråahpese. Seamma tïjjen aaj mïrhke bielieh seksualiteeteste. Ööhpehtimmieboelhkh ruvsen bïjre leah digkiedimmieboelhkh mah learohki åvtegoerkesem jïh båajhtoeh mïelh narkotikamehtiej bïjre våaroeminie utnieh. Learohkh maehtieh gærjam darjodh jallh sov gærjesne tjaeledh Storylabesne. Dan nomme maahta årrodh Mov identiteete, Mov skaehtiegæstoe jallh Mov gæstoe.