I denne serien blir elevane kjende med kva som gjer jorda spesiell og eigna for liv. Gjennom filmar, oppgåver og samtalar lærer dei korleis faktorar som sollys, vatn, luft og atmosfære samarbeider for å skape gode leveforhold. Elevane får utforske kvifor temperaturen på jorda er akkurat passe, og korleis jordas plassering i solsystemet og magnetfeltet vernar alt levande. Innhaldet skaper undring og forståing for korleis naturen heng saman.
I denne serien lærer elevane om mangfaldet av organismar som finst på jorda, og kvifor dei er avhengige av kvarandre for å leve. Gjennom samtalar, oppgåver og utforsking får dei innsikt i korleis økosystem fungerer, og korleis vi menneske påverkar naturen.
Arktis og nordområda er blant dei stadane på jorda der klimaendringane blir merka tydelegast. Endringane skjer raskt og påverkar både dyreliv, økosystem og menneske. Denne serien gir elevane innsikt i det biologiske mangfaldet i nordområda, korleis livet på jorda heng saman, og korleis menneskeleg aktivitet påverkar naturen. Ved å bruke nordområda som eksempel, får elevane ein konkret inngang til å forstå biologisk mangfald, klimaendringar og berekraftige val.
I denne serien utforskar elevane den fysiske verda, gjennom enkle forsøk, modellar og samtalar som viser korleis krefter og partiklar påverkar alt rundt oss. Elevane blir kjende med tyngdekraft og oppdrift, og undersøker kvifor ting fell mot bakken, flyt eller søkk i vatn og luft. Innhaldet skaper nysgjerrigheit og gir elevane ei grunnleggande forståing av korleis naturkrefter og partiklar verkar saman i naturen og i kvardagen.
I denne serien blir elevane kjende med energi og faseovergangar gjennom enkle forsøk, bilde og samtalar som forklarer korleis stoff endrar form, som når is smeltar eller vatn fordampar. Innhaldet skaper nysgjerrigheit og gir elevane ei grunnleggande forståing av korleis energi verkar på stoff i naturen og i kvardagen.
I denne serien møter elevane elektrisitet gjennom forsøk og samtalar som gir dei ei grunnleggande forståing av korleis elektrisk energi oppstår, blir brukt og påverkar kvardagen. Innhaldet vekker nysgjerrigheit og hjelper dei å sjå samanhengar mellom teori og praksis. Slik får dei innsikt i korleis elektrisitet er grunnlaget for teknologien rundt oss og lærer å reflektere over energibruk og berekraft. Denne kunnskapen gjer dei betre i stand til å tenke kritisk og ta gode val i eit samfunn der elektrisitet speler ei viktig rolle.
I denne serien utforskar elevane magnetisme gjennom forsøk og samtalar som gir innsikt i korleis magnetiske krefter verkar og blir brukte i kvardagen. Dei oppdagar samanhengen mellom energi og materie, og ser korleis magnetisme heng tett saman med elektrisitet. Gjennom utforsking og refleksjon utviklar elevane forståing for korleis magnetisme påverkar kvardagen og dannar grunnlag for moderne teknologi, samtidig som dei øver på å tenke kritisk, kreativt og berekraftig om bruk av energi.
I denne serien lærer elevane korleis alt rundt oss er bygd opp av ulike grunnstoff, og korleis kjemiske reaksjonar er livsnødvendige for den verda vi lever i. Gjennom undring, forsøk og observasjonar lærer elevane å sjå forskjellen mellom fysiske blandingar og kjemiske reaksjonar, og dei får innsikt i korleis stoff kan endre form, farge, temperatur eller lukt når dei reagerer. Undervisninga knyter teori til kvardagen til elevane og dei får reflektere over korleis kunnskap om stoff og kjemi kan brukast på ein trygg og berekraftig måte.
I denne serien blir elevane kjende med kroppen og kjenslene i puberteten gjennom korte filmar, oppgåver og samtalar som forklarer kva som skjer når ein går frå barn til ungdom. Innhaldet skaper tryggleik og nysgjerrigheit, og gir elevane ei grunnleggande forståing av dei fysiske og psykiske forandringane som skjer i kroppen, i denne viktige fasen av livet.
I denne serien blir elevane kjende med immunforsvaret. Gjennom filmar, oppgåver og samtalar lærer dei korleis kroppen vernar seg mot bakteriar og virus, og korleis organ som huda, magesekken og milten samarbeider for å halde oss friske. Innhaldet skaper undring og forståing for korleis både det ytret og indre immunforsvaret fungerer, og gir elevane innsikt i kvifor hygiene, søvn og vaksinar er viktige for å halde seg frisk.
