Åarjelsaemien voestesgïeline

Grammatihke:

Grammatihke juakasovveme golme bieline. Gellie haarjanimmielaavenjassh. Såemies lehkesne 1. bielie, 2. bielie jïh 3. bielie. Daate vuesehte dah leah aelhkie laavenjassi raejeste geervebe laavenjassi raajan. Grammatihke – baakoeklaassh lea göökte raajrojne juakasovveme. Dïhte voestes lea baakoeklaassi bïjre veerbe jïh substantijve. Dïhte mubpie lea baakoeklaassi bïjre adtjektijvh, pronemenh, adveerbh, konjunksjovnh/subjunksjovnh, pre- jïh postposisjovnh jïh interjeksjovnh.

Grammatihke – gïelelearoe gusnie learohkh synonymigujmie, antonymigujmie, noereme baakoejgujmie, væhtabiejeminie jïh smaaregïeligujmie berkieh jïh lierieh baakoegærjam nuhtjedh.

Grammatihke – raajeseanalyse aaj sisveginie åtna væhtabiejemem, raajeselïhtsh, elliesraajesh jïh lïhtseraajesh.

Grammatihke - Baakoeklaassh - veerbe jïh substantijve

Kommer snart!
Grammatihke - Baakoeklaassh 2

Daesnie learohkh daajroem åadtjoeh baakoeklaassi bïjre adtjektijvh, pronemenh, adveerbh, konjunksjovnh/subjunksjovnh, pre- jïh postposisjovnh jïh interjeksjovnh.. Daesnie gelliesåarhts laavenjassh mejgujmie learohkh maehtieh barkedh jïh vielie goerkesem baakoeklaassi bïjre åadtjodh. Dovne aelhkie jïh geerve laavenjassh, guktie maahta dejtie sjiehtedidh learohki maehtelesvoetide.
Grammatihke - Gïelelearoe

Daennie raajrosne ovmessie lïeremevierhtieh grammatihken sisnjelen. Daesnie dovne baakoeklaassh, raajeseanalysem jïh sïejhme gïelelearoem gaavnh. Daah golme stoerre teemah leah juakasovveme unnebe biehkide. Baakoeklaassi sisnjeli datne unnemes aktem gærjam fïerhtene baakoeklaassesne gaavnh. Gïelelearoeraajrosne learohkh edtjieh voerkesåbpoe gïelese sjïdtedh jïh mah vierhkievierhtieh dïhte maahta tjaeliemisnie utnedh. Raajeseanalyse lea lïhke vïedteldihkie baakoeklaassigujmie, men desnie aaj laavenjassh ellies- jïh lïhtseraajesi bïjre gaavnh daennie raajrosne.
Grammatihke - Raajeseanalyse

Daennie raajrosne raajeselïhtsh jïh raajeseanalysem gaavnh gusnie verbaale, subjekte jïh objekte leah jarngesne.

Saemien gïelegellievoete

Saemien gïelegellievoete lea åvtese lutnjesovveme raajrosne saemien gïeli jïh identiteeten bïjre. Daesnie vierhtieh mah tjoevkesem biejieh saemien gïelese ih identiteetese joekehts vuajnojste. Dej gaskem gærja saemien sijjienommi bïjre Nordlaantesne jïh Trööndelagesne.

Jïjtse raajroe saemien heamturi jïh vaajesi bïjre dorjesovveme. Daesnie learohkh haastasuvvieh soptsestæjjine jïjtjh sjïdtedh. Gosse meatan prosjektesne: Soptsestæjjah, dah leah meatan vihkeles kulturelle aarvoeh vaarjelidh. Learohkh edtjieh jïjtsh gærjah darjodh mah åehpies saemien heamturh jïh vaajesh våaroeminie utnieh, guktie learohkh maehtieh sijjen multimodaale gærjagåetiem darjodh. Raajrosne aaj jienebh åarjelsaemien heamturh jïh vaajesh.

Saemien gïele jïh identiteete

Daennie raajrosne vierhtieh gaavnh mah tjoevkesem biejieh saemien gïelese jïh identiteetese joekehts vuajnojste.
Sjangere: Heamturh jïh vaajesh

Daennie raajrosne ovmessie lïeremevierhtieh heamturi jïh vaajesi bïjre. Learohkh heamturi, vaajesi jïh gaagkoej bïjre lierieh aalkoe-Colabesne. Prosjekte: soptsestæjjah. Learohkh meatan soptsesidie vaarjelidh. Daam prosjektem gaavnh aktene jïjtse Colabesne jïh Storylabesne daennie raajrosne.

Bïksh teekstem

Learoesoejkesjen mietie learohkh edtjieh tjiehpieslidteratuvrine jïh aamhteseprovsine åahpenidh, gusnie ovmessie lohkemestrategijh nuhtjieh jïh åadtjoeh jïjtjh gïeline stååkedidh, jïh joekehts vierhkievierhtieh jïh buektemevuekieh njaalmeldh jïh tjaaleldh teekstine pryövedh. Raajrojne learohkh tjiehpieslidterære teekstigujmie jallh aamhteseprovsine berkieh. Raajroeh gærjah utnieh gusnie learohkh maehtieh teekstine gïengelåbpoe goerehtidh ovmessie vuajnojste: lohkeme, tjaeleme, gïele, kreativiteete jallh dotkeme.

Aamhteseprovsaraajroeh leah lïhke vïedteldihkie dejtie dåaresthfaageles teemide, jïh leah beapmoen, astoeaejkien darjomi jïh puberteeten bïjre. Gærjetje gåahtaj bïjre bööremes sjeahta 5. daltesisnie, Astoeaejkien darjomh 6. daltesisnie jïh Puberteete jih gearodh 7. daltesisnie.

Bïksh teekstem: Astoeaejkien darjomh

Vierhtieh vïedteldihkie jarngebiehkide saemienfaagese. Ektie barkoeboelhkh, gïelelaavenjassh jïh ussjedadtemelaavenjassh, ektiedamme don digitaale Learnlab-gærjese Astoeaejkien darjomh.
Bïksh teekstem: Gærjetje gåahtaj bïjre

Vierhtieh jarngebiehkiej bïjre saemienfaagese. Ektie barkoeboelhkh, gïelelaavenjassh jïh ussjedadtemelaavenjassh, ektiedamme don digitaale Learnlab-gærjese Gærjetje gåahtaj bïjre
Bïksh teekstem: Puberteete jïh gearodh

Vierhtieh vïedteldihkie jarngebiehkide saemienfaagese. Ektieboelhkh, gïelelaavenjassh jïh ussjedadtemelaavenjassh vïedteldihkie don digitaale gærjese Puberteete jïh gearome. Daam raajrosne gaavnh.

Gosse lidteratuvren bïjre, dellie våaroeminie åtna aadtjen tjaalasovveme maana- jïh noerelidteratuvrem jïh maalle dorjesovveme maam lohkehtæjja maahta nuhtjedh jïjtjeveeljeme gærjide, gyhtjelassigujmie jïh laavenjassigujmie mah edtjieh viehkine årrodh learohki lohkeme- jïh tjaelemestrategijh nænnoestidh.

Bïksh teekstem: MAALLE jïjtjeveeljeme teekstese/gærjese

Vierhtieh vïedteldihkie jarngebiehkide nöörjenfaagese. Ektie boelhkh, gïelelaavenjassh jïh ussjedadtemelaavenjassh akten gærjan/teeksten bïjre maam jïjtje veeljeme jallh klaassesne lohkeminie.

Lissine jïjtsh raajroeh evtiedamme Gæmhpoen bïjre Stiklestadesne jïh learoe mearoegaedtien bïjre.

Vijking jïh gæmhpoe Stiklestadesn

Daennie raajrosne ovmessie lïeremevierhtieh Stiklestaden, gæmhpoen bïjre Stiklestadesne, Olav Haraldssonen byjjenimmien jïh jieleden bïjre. Daate isveligke bielie mijjen histovrijeste. Sijjiem Stiklestad buerkeste gåetiejgujmie jïh bijjieguvviekaarhtine. Saemiej lïhke ektiedimmie vijkingigujmie aaj vååjnesasse båata gosse soptseste vïnhtsebigkemen jïh åesiestimmien bïjre soptseste.
Mijjieh mearoegaedtiem kraanskobe

Daennie raajrosne vierhtieh mah sjïehteledtieh jieledem feavrosne kraanskodh, guelieh, göölemedïrregh jïh mearoekaarhth.