Innhaldssteget har mange av dei same funksjonane som ein slide i Powerpoint. Her kan ein skrive inn tekstar, og lime inn bilete og lenker, for å gi innføring i eit tema.

I dette steget legg du inn eit spørsmål med svaralternativ, så kan deltakarane velje anten eit eller fleire av desse.

Steget er eit nyttig verktøy for å utfordre deltakarane til å ta aktive val. Dei må ta stilling til kva dei meiner om ulike påstandar eller spørsmål. Sidan deltakarane her blir nøydde til å velje mellom ulike svaralternativ, må dei resonnere seg fram til kva for alternativ dei er mest einig i.

Ordsky er ei visuell og kvantitativ framstilling av omgrep frå deltakarane si side.

Ordskya kartlegg deltakarane sine assosiasjonar med ulike omgrep. Ved å betrakte innspela som kjem frå andre deltakarar, kan ein utvide og utvikle omgrepsforståinga.

Steget er designa for opne spørsmål som deltakarane svarar på med tekst.

Elevane utviklar djupare forståing dersom læraren stiller gode spørsmål. Spørsmåla bør setje eleven i stand til å oppdage nye omgrep, og nyansere eksisterande omgrepsforståing.

Du kan vise heile eller delar av ein film du har lenka til, til dømes frå Youtube, eller laste opp ei videofil.

Videoar varierer undervisninga, triggar forkunnskapar og gir kjennskap om nye tema. Det er eit sterkt audio-visuelt verkemiddel, som kan få deltakarane til å tenke kritisk rundt temaet.

I dette steget kan deltakarane laste opp eit eller fleire bilete frå internett eller frå eigne filer. Alle bileta visast på eigen skjerm og elevane kan like og kommentere kvarandre sine bilete.

Biletsky visualiserer omgrep og konsept. Steget er nyttig for å få innsikt i forkunnskapen deltakarane har.

Rubrikksteget har to til fire kolonnar der deltakarane kan setje inn eigen tekst. Steget kan til dømes brukast til å vurdere argument for og mot påstandar.

Rubrikk er eit verktøy for å sortere og formulere argument. Ved å samanlikne forskjellege argument, kan deltakarane grunngi vala dei har gjort. Dei får også samanlikna eigne argument med andre sine argument.

Lag ei spørjeundersøking i sanntid for dine deltakarar. Svara er anonyme. Spørjeundersøking kartlegg deltakarane sine ønsker, interesser eller behov.

Kartlegginga opnar for meir motiverande undervisning og meir elevaktivitet. Spørjeundersøkingar kan også fungere som eigenvurdering for deltakarane.

Du kan lage ein quiz med tekst og/eller bilete. Du kan bruke tidtakar på svartid, eller la vere. Det er også mogleg å lage lag som kjempar mot kvarandre.

Quiz-steget engasjerer deltakarane på ein morosam måte. Dei får ta aktive val og løyse problem, anten på eiga hand eller saman med andre. Quiz-steget får elevane til å reflektere over eigen kunnskap, og tenke kritisk over alternativa dei må velje mellom.

Du legg inn ord, setningar eller bilete i ei rekkefølge. Deltakarane får sjå rangeringa i tilfeldig rekkefølge, og skal finne fram til rett rekkefølge.

Rangering utfordrar deltakarane si forståing av omgrep. Ved å rangere omgrepa forstår dei omgrepa betre, også kva som skil dei frå kvarandre.

Deltakarane skal matche to eller tre ord, setningar eller bilete som høyrer saman. Du legg inn ord, bilete eller setningar, og deltakarane skal finne ut kva som høyrer saman.

Med match-steget kan deltakarane oppdage samanhengar mellom omgrep på ein morosam og engasjerande måte. Match er eit spelbasert steg der deltakarane kan samarbeide, eller jobbe kvar for seg, med å finne ut kva som høyrer saman. Slik kan dei utvikle forståing for eksisterande omgrep, og oppdage nye omgrep.

I dette steget kan du samle inn ein Idealab eller ein Storylab frå deltakarane. Dei kan laste opp ein Idea eller Story frå sitt bibliotek. Du bestemmer om dei skal kunne laste opp begge delar, eller berre ein Story- eller Idealab.

I dette steget kan du dele ein Idealab eller ein Storylab frå ditt bibliotek til deltakarane. Dei kan laste ned sin eigen kopi, som dei kan redigere og endre fritt. Du kan til dømes dele ut ei oppgåve du vil dei skal jobbe med.